الارصاد الجوية تعلن
☢️مش عايز اصدمك بس في حالة ممطرة متوسطة القوة لقوية من يوم الاثنين على شمال مصر وبعض المناطق هتشهد كميات كبيرة من الامطار مع انخفاض ملحوظ في درجات الحراره
خلينا نخش في التفاصيل ونفسر ايه التغيرات دي لان الحالة ثابتة بقالها كام يوم والملخص في اخر البوست
🔴شوف يا صديقي في البداية يوم الاثنين هنتأثر بمنخفض بارد وهيتعمق للداخل وهيدفع بجبهة هوائية باردة هتعمل على انخفاض درجات الحرارة بشكل ملحوظ وتشكل حالة عدم استقرار متوسطة القوة لقوية على بعض المناطق حيث هيتزامن مع المنخفض تعمق خط التبريد العلوي ب -20 في الطبقة 500 حتى وسط الصعيد مع وجود رطوبة متوسطة القوة لقوية في الطبقات 700 و 850 على السواحل الشمالية والدلتا والقاهرة ومدن القناة وشمال الصعيد وسيناء وجيدة على وسط الصعيد ووجود لحمل حراري متوسط القوة مع تيار صاعد للهواء مع وجود لكميات كبيرة لبخار المياه في طبقات الجو العليا ففي فرص لتكون السحب الرعدية على بعض المناطق
🟠امتى بداية المنخفض ده وايه هي مناطق التأثير بشكل مبدئي؟
البداية من يوم الاثنين على السواحل الشمالية ومع مرور الوقت هتتعمق الامطار الى الدلتا والقاهرة ومدن القناة وشمال الصعيد وربما وسطه وسيناء وفرص الامطار مستمرة ليوم الجمعة مع كميات كبيرة من الامطار على السواحل الشمالية وشمال الدلتا ولكن في شئ ملف للنظر جدا وهو تكون تقارب لخطوط الايزوبار بشدة فوق القاهرة الكبرى وجنوب الدلتا واقصى شمال الصعيد فلو استمر فهم على موعد مع كميات كبيرة من الامطار ولا داعي لذكر الكمية بالملم الا في حالة الثبات فقط لان وقتها هيكون في تحذيرات فعليا
والمنخفض فعليا هيكسر الجفاف على مصر بشكل كبير لان في مناطق هتشوف معدلات عالية من الامطار وكمان هو شامل مناطق كتيرة شبه منخفضات زمان قبل تغيرات المناخ اللي بنشوفها دي فهي حالة كلاسيكية ان قدر الله لها الثبات وعدم التغير في العوامل المصاحبة لها
🔴طب ايه ملخص البوست؟
من يوم الاثنين هنبدأ نتعرض لاول منخفض جوي بارد حقيقي منذ بداية الموسم ده ورغم انه جه متأخرا ولكن شامل لمناطق كثيرة من السواحل الشمالية وحتى وسط الصعيد وفي تقارب لخطوط الايزوبار ملف للنظر ربما يتشكل فوق القاهرة الكبرى وجنوب الدلتا واقصى شمال الصعيد ووارد نشوف كميات كبيرة من الامطار على المناطق دي في حالة استمرار العوامل اللي تدعم تشكله واللي متوقع يوم الثلاثاء والاربعاء ان لم تحدث تغيرات سلبية ونسبة ثبات المنخفض 70% وهيكون في بوست تفصيلي عنه بشكل يومي لدقة التوقعات
