بعد حماتي

معاملتي الجافة ليكي السنين اللي فاتت. كنت بختبر صبرك، وكنت بشوف لآخر لحظة هل هتتحملي ابني شريف ولا لأ. شريف ابني وأنا عارفة طبعة؛ طماع، وبيدور دايماً على الطريق السهل. ولما عرفت إنه متجوز عليكي في السر ومخبي ابنه، عرفت إن وقت الحساب جه.

شريف وقف فجأة وهو بيزعق متجوز في السر؟ دي تخاريف! أمي كانت تعبانة في أيامها الأخيرة وأكيد مكنتش واعية هي بتكتب إيه! المحامي ده لازم يتوقف فوراً!
الأستاذ شاكر رفع إيده بهدوء وقال له استريح يا أستاذ شريف. الست إيفلين عملت فحص قوى عقلية قبل كتابة الوصية ب 24 ساعة، ومعايا الشهادة الموثقة. اتفضل اقعد عشان نكمل، لأن الكلام اللي جاي يخص ريهام هانم.
ريهام وشها جاب ألوان، وبدأت تتهز بتوتر. الأستاذ شاكر كمل
أما بالنسبة للسيدة ريهام، اللي فاكرة إن ابنها هو مفتاح الخزنة.. أحب أقولها إن مفتاح الخزنة مبيفتحش للي خانوا الأمانة. شريف مكنش يعرف إن نص ثروتي هي عبارة عن أراضي ومصانع باس,م نادية أصلاً، أنا كنت

واصية عليها بس لحد ما

نادية تتم سن التلاتين، والنهاردة نادية تمت التلاتين.

شريف بص لي بذهول أراضي ومصانع؟ أراضي إيه اللي باس,مك؟ أمي كانت بتملكهم بإس,مها!
رديت عليه بمنتهى البرود ولأول مرة أحس إني قوية الأراضي دي ورثي عن والدي الله يرحمه، اللي كان شريك مامتك.. ولما اتوفى، هي أخدت الوصاية لأني كنت لسه صغيرة، ومحبناش نعرفك عشان طمعك اللي ملوش حدود.
بس دي مكنتش الصد,,مة الكبيرة.. الصد,,مة كانت في الفقرة اللي جاية
وبناءً عليه، وبموجب العقد الملحق، يتم سحب كافة الصلاحيات من شريف في إدارة أي شركة من شركات العائلة، ويُطرد من الفيلا اللي

هي أصلاً ملك لنادية.. أما بخصوص ابنه، فأنا خصصت له مبلغ شهري بسيط نفقة تُصرف من حساب شريف الشخصي اللي مديون فيه للشركة ب 5 مليون جنيه اختلسهم السنة اللي فاتت، وأنا غطيت عليهم عشان مستنية اللحظة دي.

شريف انهار وقعد على الكرسي، ريهام قامت وقفت وهي بتصرخ يعني إيه؟ يعني مفيش قصور؟ مفيش أرصدة؟ أنا ضيعت سنتين من عمري مستنية الست دي تمو,,,ت عشان في الآخر أطلع بنفقة؟
بصيت لها وقلت لها بهدوء الظاهر إن الحب اللي كنتِ بتدعيه لشريف طار أول ما عرفتي إن مفيش فلوس. مبروك عليكي شريف، ومبروك عليكي الديون اللي هيسددها من جيبه.

. لو لقى جيب أصلاً.
المحامي قفل الملف وبص لشريف وقال له قدامك 24 ساعة تخلي الفيلا يا أستاذ شريف. المدام نادية هي المالك الوحيد الآن، وهي اللي تقرر تحبس حضرتك بتهمة الاختلاس اللي الست إيفلين سابت مستنداتها في الظرف ده، أو تسيبك تمشي بشنطة هدومك.
شريف بص لي وهو بيترجى، عيونه كانت مليانة د,,موع تمثيل نادية.. أنا عملت كده عشان كنت خايف أخسرك، ريهام كانت غلطة.. والله غلطة!
ريهام ردت عليه وهي بتشتمه غلطة في عينك! أنت اللي قولت لي إن نادية دي مجرد خدامة في البيت وهترميها أول ما تورث!
في اللحظة دي، قمت وقفت، أخدت شنطتي،

وبصيت للأستاذ شاكر وقلت له يا ريت تبدأ إجراءات الطلاق فوراً، وبالنسبة للقضية.. أنا مش هحبسه، أنا هسيبه للدنيا تعلمه الأدب، هو والست اللي اختارها.
خرجت من المكتب، والجو كان ربيع، لأول مرة أحس إني بتنفس هوا نضيف. إيفلين مكنتش بتكرهني، كانت بتحميني بطريقتها الخاصة، كانت بتجهز لي فخ عشان أتحرر من سجن شريف وأنا قوية ومعايا حقي.
ركبت عربيتي، وشفتهم في المراية وهما خارجين من المكتب بيتخانقوا، ريهام شايلة البيبي وبتزعق، وشريف ماشي وراها زي التايه. قفلت الشباك، وشغلت الراديو، ومشيت في طريقي الجديد.. طريق مفيش فيه غير

نادية وبس.